AlphaGO non me pote batter, dice Ke Jie le grande maestro de Go chinese

posted on 11 Mar 2016 21:14 by pakkaphonzwb in cool directory Tech
 
ALPHAGO, le computator create per DeepMind, le brachio del Intelligentia Artificial (IA) de Google, batteva le campion mundial Lee Sedol de Corea del Sud mercuridi in Joco Un del confrontation de homine vs. machina. Le resultato es extra le expectation de multes, includente Ke Jie le grande maestro de Go de China, ma Ke claro exprimeva que "AlphaGo non es mi equal ja".
 
Ke admitteva jovedi que ille habeva subestimate le capabilitate de AlphaGo ante le match del inauguration, ma ille ancora crede que ille sera le victor si ille ha essite le jocator verso AlphaGo.
 
"Io debe dicer que io subestimava le poter mental de AlphaGo ante le prime match como io pensava que Lee Sedol pote vincer un victoria complete 5-0," diceva Ke, qui tene un record de octo victorias e duo perditas contra Lee.
 
"Pro me, io non me interessa de jocar contra un opponente facile, specialmente pro un computator facile de tractar, nam io non vole vincer 100 vices per 100 jocos, ma ora io pensa que nos (Ke vs. AlphaGO) pote provar."
 
"Io vole vider in veritate como il es jocar contra AlphaGo. Como le proverbio chinese dice, il es melior vider un vice que ascoltar dozenas de vices e il es melior provar se mesme que vider como le alteres joca dozenas de vices," diceva Ke, qui es le prime jocator vincite duo titulos international major in un sol anno depois que Lee vinceva le 3e BC Card Cup e le 8me Chunlan Cup in 2011.
 
"Ora affrontar AlphaGo, io non senti le mesme forte instincto del victoria quando io joca un jocator human, ma io ancora crede que io ha le avantage contra illo. Il es 60 percento a favor de me."
 
Ke es confidente al momento in le duello de homine vs. machina, ma ille ha fide in AlphaGo in le futuro. "Secundo al velocitate del progresso de IA, il non sera longe que AlphaGo battera omne le jocatores human, il poterea occurer alcun annos depois, anque alcun menses depois," addeva Ke.
 
Il es supponite que Ke sera le opponente sequente de AlphaGo si le machina vince le serie de melior de cinque con Lee. Demis Hassabis, le director presidente de Google DeepMind, ha exprimite le bon voluntate a seliger Ke como le objectivo sequente de AlphaGo.
 
Ke batteva Qiu Jun le none dan pro ganiar le final del 2e Bailing Cup, e deveni un nove campion mundial, in januario 14, 2015 quando ille es justo a nivel de quarte dan.
 
Alora Ke, ja acquireva le nivel plus alte de none dan, ganiava le 2015 Samsung Cup per batter Shi Yue in decembre 9, in Shanghai, devenite le prime jocator qui gania duo titulos international major in un sol anno depois le prodessa de Lee in 2011.
 
Ke nasceva in 1997 e deveniva un professional in 2008. Su performance non era specialmente notabile usque 2013, ma de un modo o altere ille deveniva multo forte e potente in 2014.
 
Go es un joco mental chinese ancian complexe jocate in un tabuliero con un 19x19 grilla de lineas nigre.
 
Traducite de Shanghai Daily.

Comment

Comment:

Tweet